أمام ضريح لالة عيشة|قصة رعب حقيقية

سلام عليكم  ليوم ان شاء الله غادي نقدم ليكم واحد لقصة مرعبة با لدارجة لمغربية  نتمنى لي عندو قل من 18عام  ما يكملش هدا لقصة😉

نتوكلو على بركة لله🙂

الإسم ديالي سعد عندي 17 سنة من صغير أو انا كنعشق مغامرات أو قصص رعب لي كيهضرو على لجن،مني كنت صغير كنت كنخاف بزاف وخا  هكاك كان عزيز عليا نكتاشف هد العالم الغامض،ماغديش نكر بالي عمرني كنت كنجرب داكشي باش نتستحظر لجن،كنت كنمشي لمقابر في ليل او كنت كنخوي لما سخون في طواليط  باش اطلع  ليا شي جن ولكن ماطرى حتى حاجة من داكشي لي بغيت 

حتى لواحد نهار كان عندي ولد خالي عمر أو خوه أمين أو معاهم ولد عمي بادر ، كانو حتى هما فحالي عزيز عليهم فحال هد شي أو عزيز عليهم اجربو شي حاجة مختلفة على قصص لجن،كانو كيمشيو معايا لبزاف ديال مغامرات،دخلنا  لمنازل مهجورة أو كنا كنخاطرو بحياتنا غير باش نشوفو لجن.

واحد لمرة جا عندي ولد عمي بادرأهو متحمس قاليا أنه قريب لواحد ضريح سميتو لالة عيشة ثمة كاينين طقوس غدي تنظم غدى لي هي طقوس تاع حمادشة لي مشهور في ديك منطقة بزاف،ثمة كيدبحو لبقر أو الماعز وحتى جمال باش إحظرو الجن.

قلت ليه ضروري خاصنانحضرو لهد طقوس أ بادر، لمهم مشينا لدار تاع خالي باش نعاودو لعمارأو أمين شنوكين باش يستعدو إمشيو معانا،تفقنا بالي غادي  نمشيو في صباح بكري باش مايشوفنا حتى واحد من دار  نعسنا في دار تاع خالي أو ملي طلع لفجر نضنا من نعاس،

ولد خالي شفر لأب ديالو 200درهم باش لقاو باش ركبو أو نشيرو شي حاجة مانكلو،خرجنا من دار بشوية بلاما يشوفنا حتى حد من بعد مشينا لبلاصة تاعد طكسيات لكبار،لقينا صعوبة باش لقاو لمركوب باش نمشيو لضريح حتاش ديك لمنطقة مكيمشي ليها حتى واحد إلا لي عندو علاقة بالمس أو الجن،من بعد محاولات بزاف وافق واحد جارنا إدينا معاه في واحد طنوبيل، حتاش باغي إقضي شي غراض ثمة،وصلنا مع8ديال صباح كملنا نعسنا حد واحد شجرة حدا زواية تاع لالة عيشة،بقينا حتى ظلام لحال أو بدات ديك بلاصة كتعمر بالناس.

وصلو الغياطة أو صحاب مهراز أوصحاب طبل ليهم واحد فرقة موسيقية كتعزف واحد موسيقى كتسمى رياح حمادشة،باش إحظرو الجن،شعلو لفاخر أوبداو كيغنيو أو تيكلو شي سميات من لجن لي مشهورة في لمغرب بحال:لالة عيشة،لالةمليكة،شمهروج،أوبداو كيعاودو  سميات خرى غريبة،أوناس لي مريضة كيجدبو واحد مور واحد،كانت مناظر في شكل كين ثمة لي كيشرب لماء سخون أوكين لي كيهز لفاخر سخون بايديه أوكين لي كيظرب إديه بالموس أو كاين حتى ثمة لي كياكلو لحم ماطيبش.

ماتيقتش داكشي لي شافت عيني واحد شوية بانت ليا واحد لمرة شارفة كتشطح بواحد طريقة لي غريبة أو كتاكول شوك بديت كنضحك أو هي تغوت عليا بواحد صوت كيخلع {{خرج من هناااااااا}}

وانا باقوت خلعة مقدرتش نتحرك من بلاصتي دراري كلهم هربو إلا انا شافت فيا أوهي معصبة ويضربني بديها لوجهي حتى عواج وأنا نهرب من ثمة،جاو عندي ولاد خالي أو شافو وجهي شنو طرا ليه بقاو مصدومين،شفت فيهم وأنا مخلوع كتليهم شنو طرى ليا بغيت نشوف وجهي

بدو كيشوفو فيا بواحد طريقة غريبة وأنا مخلوع بزاف أوهو يجبد ولد خالي تليفون ديالو أو شفت وجهي في كاميرة ،أو تمنيت كون غير ماشفتوش 

بديت كنبكي أوكنغوت،شافنا واحد راجل بقيت فيه هو يوصلني لدار أنا أو دراري دخلت لدار أوكتليهم شنو وقع معايا الأم ديالي تصدمات من وجهي كيف ولة،بدات كتبكي بافقصة أومشات كتجري بيا لعند إمام تاع جامع حتاش وليد خدام أومكانش في دار ديك ساعة،بدا إمام كيقرا عليا لقرأن أهو يدير إديه فوق راسي قال الوليدة خاصو احضر كل نهار باش يقرى عليا،بديت كنمشي عندو كل نهار من بعد سيمانة كنت كنغسل وجهي قدام لمرايا وأنا نشوف واحد لوجه من غير وجهي شفت وجه ديك لمرة شارفة، من شدة خلعة سخفت مني فقت عاودت لوليدة أو خوتي داكشي لي شفت أهما يتصحابوني واش تسطيت أو باليل  ملي كنت ناعس شفت ديك لمرأة في حلم ديالي قالت ليا أني غدي نعيش أكبر رعب في حياتي كلها من بعد ضرباتني لفيقة أو بديت كنبكي،حتى واحد ماكنت فخبارو من غير ولاد خالي أو ولاد عمي حتاش وليدة كانت كتفكر دينا لسبيطار ديال أمراض عقلية،وليت كنشوف ديك لمرأة كل ليلة كتهددني  وحد لمرة طلبات مني باش ندير لحنة في يدي أو نمشي نسقي واحد شجرة باش نتشفى ويرجع وجهي كيف كان وافقت على طلب  ديالها أودرت داكشي لي قالت ليا ولكن حتى حاجة ما تغيرات،أومني عاودت لإمام على طلب لي قالت لي  ندير بقى إمام كيغوت عليا أو قاليا عمرك دير شيحاجة طلبتها منك حيت كتبين ضعف ديالك قدامها.

في ديك ليلة جاتني واحد حالة نفسيةأوبديت كنغوت بلا حتى شي سباب أو طحت في الأرض،إدي ورجلي عواجو بواحد طريقة كتخلع  وليدة مني شافتني في ديك حالة مشات كتجري أو جابت ليا نفس إمام تاع جامع،أو بقى كيقرى عليا قرأن حتى رجعت حالة طبيعية ديالي ولكن بعد يومين طراليا نفس مشكيل  أو هنا ناض جدي أو جاب ليا واحد راقي مني كان كيقرى عليا ماجوبتوش انا ولكن...  جاوبتو واحد جنية سميتها ميرا  قالت ليه بعد مني راه هو لي كان كيضحك عليا بدا ذاك راقي كيتفاوض معها أوهي تقوليه ماغديش تخرج مني حتى  غادي تقتلني وغدي تموت معايا،راقي تصدم حيت هد جنية كانت قوية ومن أصول جن العاشق راقي من بعد هد شي شاف راسة كاع ماغدي إقدر عليها بوحدو،وهنا مشا جاب5تاع فقها صحابو باش إعاونوه شدوني أوذخلوني لواحد لبيت دارو بيا أو بدغو كيقراو عليا قرأن وهي دوي ميرا أو قالت ليهم أنها دخلات باش تعلمني درس باش عمرني نضحك على حد مريض ولا مصاب أهما يعدبوها بكلام لله أو واعداتهم  أنها غدي تخرج مني  أو عمرها غادي ترجع ليا، الحمدلله رجعت لطبيعتي وحياتي العادية وخديت واحد درس كبير بالي غدي نبعد على عالم ديال لجن حتاش هو واحد عالم صعيب أو خطير بزاف ونهاية ديالو خيبة.

نتمنى تاخدو لقصة ديالي كادرس في حياة  أو ماتكونوش مسطين أو ديرو داك شي لي درت حتاش في نهاية ديال هد طريق كين غير دمار أو العداب.

♧نهاية♧